صاحي طربان من الصبح وبغني: التعداد السكاني والمساكن بدها تعرف الدولة وين ساكن
متذكرينها، ها؟
لا،، والأغنية فيها بيت بقول: "أعط البايانات الحاقيقية" نفسي أعرف رتبة مؤلف كلمات الأغنية 😁 ويا ترى أخذ ترفيع عليها ولا بعده..؟
ياخي فعلا سنة عن سنة الواحد بعرف قيمة دولته على راي المعلق الرياضي فارس عوض: "يا ربااااه، مستحييييييل،، هذا لا يحدث كل يوم"
شفتوا دولة قد دولتنا هـchـلانة هم المواطن ..؟! بدها تعرف مكان سكن كل واحد ،، هو بذاته عشان ما يخربطوا بالعنوان لما يوصلوا مستلزمات كل بيت ويحطوها على عتبة الباب كل يوم بيوم بطاقتين شحن، جرة غاز، جلن بنزين تمشّي فيه يومك شوية مونة، كيس فواكة، اوقية بن، وتنساش مغلف المعلوم وفوق كل هاظ اكم علبة دوا، اشي للحساسية وانتيبيوتك ولكسوتانيل للي فايق صدره ظايق لا سمح الله
نشالله بتفكروا الدولة نايمة عن هاي المواظيع؟ إ ... بتهيئلكو !! مهما مردغتك الحياة ،، ابتسم😉
صبٰاحكم سعيد ومسٰاؤكم سرور 🥀🌹