أني زلمة نص أطرم؛ سمعي فيه تشويش من جهة والجهة الثانية بتعطي صدى. وبالآخر بتطلع معي السوالف كوكتيل، واذا أكثر من واحد بسولف بنفس اللحظة بضرب عندي سنسور التركيز.
بسهرة مع الشباب كل شوي واحد بسولف سولافة شكل؛
واحد بقول: ياخي هاي فواتيركم قصتها قصة عالأغلب وراها ناس ثقالة، اليوم رخّصت السيارة، وعند المخالفات دفعوني ربع ليرة غرامة، قال شو مش دافعهن الكتروني!
بعد شوي واحد بقول: عندي خروف مربيه بالمزرعة تفاجأت ونه ماكل النعنعات وتارك الحشيش والبرسيم على حاله.
واحد ثالث بقول والله رسوم جامعات الولاد هدت حيلي.
لما روحت سألتني المرة: شلون سهرتكو؟ قلتلها: والله تمام، دريتي؟ قالت: خير
قلتلها: البلد مليانة حشيش مرخص بنكهة النعنع بنباع بالجامعات، وإذا اشتريته عن طريق فواتيركم عليه خصم ربع ليرة.
صبٰاحكم سعيد ومسٰاؤكم سرور 🥀🌹